Дарагія браты і сёстры і ўсе людзі добрай волі!

На святы Божага Нараджэння мы накіроўваемся ў духоўную пілігрымку ў Бэтлеемскую пячору, каб там з Найсвяцейшай Паннай Марыяй, са святым Юзафам і пастушкамі з’яднацца ў праслаўленні Слова, якое сталася целам і пасялілася сярод нас (пар. Ян 1, 14).

Сярод дароў, якія Бог прыносіць у свет, каб нас імі абдараваць, ёсць таксама дар спакою. Анёлы гавораць пра яго, калі праслаўляюць Бога словамі: «Хвала на вышынях Богу, а на зямлі спакой людзям добрай волі» (Лк 2, 14). Такі Божы спакой, сапраўдны спакой сэрца, нам вельмі патрэбны ў штодзённым жыцці, у нашых дамах, сем’ях, супольнасцях.
Жадаю, каб народжаны ў Бэтлееме Езус адарыў усіх нас Сваім спакоем, шчодрасцю Божых ласкаў і ўсялякімі духоўнымі дабротамі, каб мы маглі кожны дзень выконваць Яго волю і сведчыць пра Бога і Евангелле таксама ў 2025 годзе.

Біскуп Аляксандр Яшэўскі SDB
Генеральны вікарый
Мінска-Магілёўскай архідыяцэзіі